Zgjedhjet e jashtëzakonshme po shihen si alternativa e vetme për të dalë vendi nga kriza politike. Barrikadimi i LVAN-it dhe PDK-së rreth pozitës së kryeparlamentarit, po e dërgon pashmangshëm vendin në zgjedhje të reja.
Ky opsion tashmë nuk po përjashtohet as nga partitë politike.
Të dy blloqet LVAN dhe PDK shprehin besimin se do të triumfojnë në rast se do të mbahen zgjedhjet e reja.
Sekretari i LDK-së, Ismet Beqiri ka thënë për ORAionfo se PDK-në përfundimisht do ta dërgojnë në opozitë në rast se vendi do të shkojë në zgjedhje të reja.
Në këto zgjedhje partitë e Bllokut, LDK-AAK-NISMA pritet të hyjnë me një listë të vetme zgjedhore
Megjithatë sipas tij, Kosova ka shumicë Parlamentare dhe nuk ka nevojë të shkojmë në zgjedhje.
“Por nëse nuk ka alternativë tjetër, jemi të bindur që do ti fitonim zgjedhjet dhe PDK sikurse që për ne tani veç janë në opozitë, dhe pas zgjedhjeve eventuale PDK do të ishte në opozitë”, ka thënë Beqiri. /orainfo/