Agjencia për Akreditim e Kosovës të mërkurën pritet t’i publikojë rezultatet e akreditimit. Halim Hyseni, njohës i çështjes së arsimit, thotë se cilësia në arsim nuk është në nivelin e duhur, dhe për këtë arsye, asnjë universitet publik, por as kolegjet private nuk do të duhej të akreditoheshin, sepse nuk i plotësojnë standardet për të garantuar cilësinë e duhur në bazë të kërkesave të shekullit XXI.
“Unë mendoj se ky akreditim është skandal, nuk është i bazuar në kritere dhe standarde të cilat garantojnë cilësi, edhe do të ketë pasoja. Agjencia është duke gabuar sepse nuk janë të përcaktuar standardet të cilat garantojnë cilësi, si në ato private, ashtu edhe në ato publike”, ka thënë ai, shkruan Tribuna.