Përmes një komunikate për media të Universitetit të Prizrenit, thuhet se rektori i ri, Ramë Vataj vazhdon të pranojë urime për postin e ri.
Sipas të njëjtës, rektori Vataj ka pritur në një takim përfaqësuesit e shoqatave të dala nga lufta e UÇK-së, në Prizren.
Ata e uruan Vatajn për marrjen e detyrës së rektorit të Universitetit “Ukshin Hoti”, duke i dëshiruar suksese në punë.Ramë Vataj ka qenë këshilltarë i Enver Hoxhajt, derisa ai ishte ministër i Arsimit, ndërsa ka qenë edhe kandidat për kryetar të Suharekës, nga radhët e PDK-së.
E sipas komunikatës, rektori Vataj i falënderoi përfaqësuesit e shoqatave të dala nga lufta e shenjtë e UÇK-së për vizitën dhe urimet dhe i siguroi se kjo shtresë e shoqërisë do të ketë trajtim të veçantë në mandatin e tij si rektor i UPZ—së.
“Falë kontributit në veçanti të dëshmorëve, invalidëve dhe veteranëve dhe të gjithë atyre që kanë kontribuuar për çlirimin e vendit, sot Kosova e gëzon lirinë dhe shtetësinë”, thuhet në komunikatë.