Hetues rajonalë nga Drejtoria Rajonale e Prizrenit, të enjten pasdite kanë arrestuar një mjek të Shtëpisë së Shëndetit në Malishevë mbi bazën e dyshimit se i njëjti ka tejkaluar autorizimet gjatë kontrollit të dy pacienteve të moshës së mitur në dy raste të veçanta.
Policia ka bërë të ditur se lidhur me rastin është informuar prokurori i shtetit i cili ka nënshkruar vendimin për ndalimin policor të mjekut për 48 orë, transmeton Indeksonline. Hetuesit rajonalë po punojnë për verifikimin e pretendimeve nga denoncueset.