Shkruan: Florim Çoçaj
Si një simpatizant dhe aktivist që nga fëmijëria i LDK-së, kësaj herë i zgjedhur delegat i Kuvendit të Degës, Kuvend i cili do ta zgjedh Kryetarin dhe forumet e reja të Degës, më ka rënë një përgjegjësi e madhe për të menduar se kujt do t’ja hedhë votën aq të vlefshme, për herë të parë në një garë të vërtet në Degën e LDK- së në Prizren.
Se LDK ka nevojë për një ripërtrirje më shumë se kurrë më parë, e kam vërejtur sidomos në zgjedhjet e fundit, në të cilat isha i angazhuar aq shumë për fitoren e LDK-së. Një Degë pa një unitet dhe kohezion dhe pa një udhëheqje dhe program pragmatik, nuk kishte se si t’i fitonte zgjedhjet edhe pse përballej me një qeverisje të korruptuar e degraduar skajshmërish. Janë për t’u përshëndetur dorëheqja e Kryetarit të kaluar të degës dhe vendimet e liderit pragmatik akademik Isa Mustafës, i cili i hapi rrugë zgjedhjeve demokratike dhe garës së vërtetë në Prizren. Kësaj here duket se po zhvillohet një garë e vërtetë, ka disa kandidat që pretendojnë udheheqjen e degës, të cilët natyrisht ofrojnë eksperiencen e tyre në të mirë të LDK-se.
Por qështja është qka në të vërtet i duhet LDK-së në Prizren. E mendoj se si kurrë më parë LDK në Prizren ka nevojë për kuader të ri, të formuar profesionalisht, të dëshmuar në ekspertizë ne fushat e tyre. Ka nevojë për lidership që ka aftësinë dhe gatishmërinë për të qenë kryetar i të gjithëve, edhe i atyre qe nuk mendojnë si ai. Ka nevoje për një lidership pragmatik që në plan të parë ka votuesin e LDK-se e jo interesat e tij, për një kryetar qe do të arrij të tejkaloj ndasitë, inatet, përçarjet. Sëmundje këto deri tash të pashërueshme të degës së LDK-së në Prizren.
Për më tepër ka nevojë per njerëz të rinj, ka nevojë për një kryetar që garanaton fitore ne sfidat e ardhshme zgjedhore përballë partive tjera. Unë e njoh një kandidat i cili mund t’i arrijë këto. Është njeri pragmatik, ka ekspertizë ( njëri nga ekspertët më të mirë te Grupit të eksperekspertëve të LDK-së në Qendër), i qetë, i dashur, ka shumë vullnet për të punuar për LDK-në, një neurokirurg shumë i suksesshëm, një doktor që vërtet do ta shëroj degën e LDK-së në Prizren. Një kuadër që është nderë për LDK-në ta ketë anëtar e udhëheqës. Andaj është koha të mendojmë për të ardhmen e LDK-së, të mendojmë për Prizrenin. Të votojmë për Dr. Haxhi Avdylin, të votojmë për shërimin dhe ringritjen e LDK-së dhe të vazhdojmë së bashku me të, drejtë fitores së LDK-së dhe t’ia kthejmë dinjitetin qytetarit të Prizrenit