Katër persona janë përfshirë në një rrahje në Rahovec. Zëdhënësi i Policisë së Kosovës në Prizren, Hazir Berisha ka konfirmuar se njëri prej tyre ka kërkuar ndihmë mjekësore.
“Në orët e pasdites, një qytetar ka kërkuar ndihmë mjekësore në Shtëpinë e Shëndetit në Rahavec për shkak të lëndimeve që kishte pësuar gjatë rrahjes ku ishin përfshirë katër të dyshuar”, tha Berisha.
“Sipas mjekëve, lëndimet janë të shkaktuara me boks metalik në regjionin e kokës dhe për këtë është kërkuar trajtim mjekësor në Spitalin Rajonal të Gjakovës”.
“Policia e Rahavecit ka kryer procedurat në vendin e ngjarjes dhe ka arrestuar të dyshuarin i cili është ndaluar në mbajtje në objektet e policisë. Ndërkaq tre të tjerët do të ndiqen penalisht sipas procedurës së rregullt”/PrizrenPress.com/