Procesi zgjedhor në Degën e LDK-së në Prizren është në përfundim e sipër. Gjatë një periudhë të shkurtër kohore, pritet të mbahen vetëm edhe kuvendet zgjedhore në nëndegën e Nashecit dhe atë të Atmaxhë.
Për datën e mbajtjes së Kuvendit të Degës do të vendos Kryesia e Qendrore në Prishtinë.
Zëdhënësi Nderim Gashi, thotë se për arsye të disa polarizimeve brenda këtij subjekti politik është vonuar me mbajtjen e kuvendeve zgjedhore në Nashec dhe Atmaxhë.
“Një vonesë e tillë nuk ndikon në mbarëvajtjen e këtij procesi”.
Zgjedhjet e sivjetme Degën e LDK-së në Prizren ka zgjuar interesim të madh.Një gjë e tillë nuk kishte ndodhur më herët, për shkak të autoritetit që kishte numri një i LDK-së në Prizren, Eqrem Kryeziu.
Ndryshe, për postin e të parit të subjektit më të madh opozitar në Prizren është duke u zhvilluar një garë e fortë ndërmjet kandidatëve që kanë shprehur ambicie për të zëvendësuar ish kryetarin shumëvjeçar të Degës, Eqrem Kryeziu/TVPZ/