Heqja dorë nga posti i kryetarit të Kuvendit nga ana e Bllokut të partive të koalicionit paszgjedhor, ka dhënë një mundësi të mirë për respektimin e aktgjykimit të Gjykatës Kushtetuese, por nuk e ka zgjidhur krizën rreth formimit të institucioneve të reja, shkruan Tribuna.
Tani, vendimi është në duart e kryesueses së Kuvendit, Flora Brovina që të thërrasë vazhdimin e seancës së ndërprerë konstituive me pikën e vetme, zgjedhjen e kryetarit dhe nënkryetarëve të Kuvendit. Nëse këtë veprim nuk e bën vet Brovina, ajo mund të jetë e shtyrë nga presidentja Atifete Jahjaga e cila mund të shfrytëzojë kompetencat e saj që të thirret seanca.
Në këtë rast, si çka raportuar tashmë Tribuna, PDK mund të dalë me një pozicion të ri ngërçi, duke e kushtëzuar shkuarjen në seancë me arritjen paraprake të marrëveshjes me bllokun LVAN. Pasi që nuk ka një mundësi të dytë që do t’i jepte të drejtën edhe LVAN-it që të propozojë kryetarin e Kuvendit, në këtë pikë do të fillonte kriza e re.