Dy këmbësor kanë pësuar nga dy aksidente të veturave në trafik. Aksidenti i parë ka ndodhur në lagjen e “Ulqinit” në Prizren, ndërsa aksidenti i dytë në fshatin Llashkadrenoc të Malishevës.
“Në rrugën e ‘Ulqinit’ ka ndodhur një aksident trafiku në të cilin ishte i involvuar automjetit ‘Golf’ që drejtohej nga i dyshuari si dhe viktima,përkatësisht këmbësori i nacionalitetit rom”, njofton Policia e Kosovës.
“Deri të aksidenti ka ardh nga ngasja e pakujdesshme dhe mospërshtatja e shpejtësisë se lëvizjes me kushtet e rrugës nga ana e te dyshuarit me rast i njëjti me veturë ka goditur këmbësorin”
“Viktima ka pësuar lëndime te rënda dhe i njëjti është dërguar për tretman mjekësor ne Spitalin Rajonal te Prizrenit”.
Ndërkaq, aksidenti i dytë ka ndodhur në fshatin Llashkadrenoc të Malishevës.
“Në këtë fshat ka ndodhur një aksident trafiku në mes të një veture “Pasat” me ngasës dhe një këmbësori”
“Si pasojë e aksidentit lëndime trupore ka pësuar viktima i cili dërgohet për tretman mjekësor ne QKUK-Prishtinë.”./PrizrenPress.com/