Deputeti i AAK’së, Daut Haradinaj e ka përdoruar foltoren e Kuvendit për tu parashutuar disa pyetje deputetëve të koalicionit PDK-LDK. Ai u ka kujtuar deputeteve të PDK se kryeministri i këtij koalicioni, Isa Mustafa, është ish-ministri i Rrahman Morinës.
“A është ky Isa Mustafa ministri i Rrahman Morinës, a është kjo LDK’ja Titiste?”, ka pyetur Haradinaj.
Sipas Haradinajt, PDK’ja e ka ndihmuar Isa Mustafën për ta rrëzuar Fatmir Sejdiun nga pushteti.
“A është kjo PDK’ja që të ndihmoj me rrëzu Fatmir Sejdiun, pasiqë siç duket sikur e rrezuat atë natën, ashtu e bëtë edhe ju koalicionin”, ka shtuar deputeti i AAK’së.
Sipas tij, deputetët të cilët e votuan Kadri Veselin për Kryeparlamentar kanë qenë të shantazhuar për të vepruar ashtu, pasi disa prej tyre vazhdimisht e kanë akuzuar Veselin për disa vrasje.
“E di se nuk keni qare pa votu, se jeni të shantazhuar e të kapur, por mos harroni se populli shumë shpjet ka me ju rrezu juve”, ka përfunduar Daut Haradinaj.