Megjithëse Qeveria serbe çdo ditë mundohet të imponoj numrin e serbëve që jetojnë në qytetet e Kosovës, realiteti dëshmon krejt ndryshe. Së paku nëse bazohemi tek një fotografi e fundit që është bërë hit në mediat sociale.
Në fakt, në rrjetet sociale po qarkullon një foto e vogëlushes, Milica Gjorgjeviq, e cila, sipas mediave serbe, është i vetmi fëmijë serb në Prizren.
Kjo vajzë e ëmbël u fotografua në një mjedis të klasës së zbrazët me mësuesin e saj, Vuk-un, duke i bërë detyrat e shkollës, transmeton Telegrafi.
Ndërsa, ajo ka marrë përkrahjen e shumë bashkëvendësve të vetë që jetojnë në Serbi. Kujtojmë se Qeveria e Beogradit shpesh ka raportuar se në Kosovë aktualisht jetojnë mbi 100 mijë serbë. /Telegrafi/