Fansat po aludojnë se ASAP Rocky dhe Rihanna janë martuar fshehurazi, pasi reperi publikoi projektin e tij më të fundit muzikor i cili përmban fragmente të një ceremoni martese.
Të enjten, Rocky publikoi një videoklip për këngën e tij të re “DMB”, dhe menjëherë pas shfaqjes së tij, fansat filluan të spekulojnë nëse Rocky dhe Rihanna janë martuar apo jo në jetën reale.
Këngëtarja e hitit “Diamonds” dhe partneri i saj ishin fotografuar vitin e kaluar kur po xhironin videon e këngës. Ndërsa fotot e tyre u bënë virale në atë kohë, askush nuk e dinte domethënien e tyre.
Tani, me përfundimin e klipit, fansat arritën të shohin se çfarë skena kishte. Në njërën prej tyre, shihet Rocky teksa i propozon miliarderes në një mënyrë unike, pasi kishte grila ku shkruhej: “Martohu me mua”.
Rihanna gjithashtu shfaqet me grilat e saj ku shkruan: “Po”. Gjesti që u kap në video e kishte bindur shumëkë se mund të ishin fejuar dhe të ishin martuar fshehurazi.
A u martuan dyshja?
Jo, Rihanna dhe ASAP Rocky nuk u martuan. Një burim pranë çiftit e ka konfirmuar këtë për gazetën “TMZ”. Burimi pohoi se e gjithë kjo është bërë për argëtim.
Në një nga intervistat, Rihanna zbuloi se ajo dhe ASAP Rocky u bënë të afërt gjatë pandemisë. “Më pëlqejnë gjërat e thjeshta, por edhe aventurat madhështore. Thjesht ndihem sikur mund të kaloj gjithë jetën pranë tij”, ka thënë ajo.