Ramush Haradinaj ka mbledhur strukturat e tij partiake, në mënyrë që të marrë një vendim kundrejt lëvizjeve të fundit të LDK’së, e cila tash kërkon që lideri i saj të jetë i nominuar i Bllokur për postin e Kryeministrit.
Dhe, AAK është pozicionuar qartë; nuk e bëjmë kompromis me marrëveshjen e arritur me 10 qershor, sipas të cilës, Ramush Haradinaj është kandidat i Bllokut për Kryeministër.
Në rast të dështimit të kësaj marrëveshjeje, përgjegjëse është LDK.
Në rast të dështimit të kësaj marrëveshjeje, përgjegjëse është LDK.
Ja komunikata e AAK-së:
———
Kryesia dhe kryetaret e degëve të AAK-së sapo kanë filluar një mbledhje në selinë e kësaj partie ku pritet të diskutohet për zhvillimet e fundit politike.
“Pika e kësaj mbledhje do të jetë zhvillimet e fundit në vend dhe institucionet”, tha shkurt kreu i AAK-së, Ramush Haradinaj.
Marrëveshja mes bllokut LDK-VV-AAK-NISMA ka filluar të lëkundet derisa po shqyrtohet posti i kryeministrit nga LDK dhe AAK.
Përfaqësuesit e bllokut të premten patën një takim në orët e vona.
Kreu i AAK-së, Ramush Haradinaj pas këtij takimi pati thënë se derisa nuk ka marrëveshje të re dhe mbetet në fuqi marrëveshja e 10 qershorit, raporton kallxo.com.
Por fundjava ka treguar më shumë se asnjëherë brishtësinë e kësaj marrëveshjeje pasi zyrtarë të të dyja partive kanë polemizuar në distancë rreth kandidatit për postin e kryeministrit.