Kuvendari i Lëvizjes Vetëvendosje! në Prizren, Artan Abrashi ka akuzuar kolegët e partive tjera opozitare, se po shiten për tenderë. Ai tha se kuvendarët e partive tjera opozitare duhet të qartësojnë pozicionin e vetë.
“Fatkeqësisht ka kuvendar që janë shitë te pushteti për tenderë. Kjo është tragjike, dhe shumë e dhimbshme”, ka thënë Abrashi në TVPZ.
Sipas tij, deri më tash vetëm kuvendarët e VV-së kanë tregua se janë opozitë e vërtet në Prizren.
“Nuk e themi për krenari se VV është opozita më e zëshme në Prizren, sepse dëshirojmë që edhe partitë tjera opozitare të luajnë rolin e vetë, por e vërteta është se ata nuk e kanë qartësuar ende se a janë për qytetarin apo me pushtetin”.
Abrashi ka përmendur kuvendarët e LDK-së se nuk po e luajnë rolin e opozitës.
“Fatmirësisht seancat e Kuvendit të Komunës transmetohen edhe në media, prandaj edhe qytetarët po shohin se kush po i mbron interesat e tyre e kush po shitet për tenderë”. /PrizrenPress.com/