Historia e AC/DC nuk ka mbaruar. Pas zërave për një shpërbërje që kanë qarkulluar në ditët e fundit, grupi ka lëshuar një komunikatë zyrtare për të sqaruar se do të vazhdojë përpara.
Megjithatë, në komunikatë konfirmohet edhe gjendja e rëndë shëndetësore e kitaristit Malcom Young, që do të tërhiqet.
“Nuk e di se çfarë do të ndodhë tani. Do të jetojmë ditë pas dite”, deklaroi vokalisti Brian Johnson.Ende nuk është e qartë nëse tërheqja e Malcom, që edhe pse është më pak i njohur se vëllai Angus ka qenë gjithmonë një anëtar jetik i grupit, do të jetë e përkohshme apo e përhershme.
Dyert do të mbeten të hapura, por gjendja e tij shëndetësore duket se është serioze. “Kam frikë se nuk do të jetë në gjendje të bëjmë regjistrime e jo më të përballojë një turne të gjatë”, tha më tej Young.
Gjithësesi, grupi do të vazhdojë përpara edhe pse pa një anëtar të rëndësishëm, ndoshta edhe vetëm për të celebruar 40-vjetorin e historisë dhe më pas për të thënë lamtumirë.