Shkelja e Statutit të Universitetit të Prishtinës do ta dërgojë dekanin e Fakultetit Juridik, Bajram Uka, në Komisionin disiplinor të këtij institucioni.
Vendimi është marrë më 10 nëntor nga Agjencia Kundër Korrupsionit (AKK), shkruan sot “Koha Ditore”.
I njëjti vendim i është dërguar Rektoratit të UP-së, e i cili është dashur që për 15 ditë të ndërmarrë masa.
Nisur nga ky vendim, kopjen e të cilit e ka siguruar gazeta “Koha Ditore”, i kërkohet rektorit Ramadan Zejnullahu që të fillojë procedurën disiplinore kundër Ukës. Shkelja e Statutit është bërë kur është marrë vendimi për angazhimin e rektorit të Kolegjit AAB, Lulzim Tafa, si ligjërues në vitin 2012, pa konkurs publik.