Anaid Kaloti, fitues i “Big Brother 6”, ka qenë i ftuar në Fan Club pak minuta më parë ku ka folur për lojën e konkurrentëve aktualë në shtëpinë më të madhe në Shqipëri.
Mes opinioneve që ai ka dhënë, moderatorja Albana Osmani e kanë ngacmuar lidhur me marrëdhënien e tij me Joanën, pasi mes tyre ka pasur një histori dashurie gjatë qëndrimit në “Big Brother”.
Gjatë kësaj jave, Joana ka dhënë një intervistë ku ka treguar se i dashuri i saj e kishte tradhtuar dhe ajo e zbuloi vetëm 5 ditë para martesës. Pak më vonë ajo ka postuar një foto me Anaidin, çfarë ka çuar në dyshime se mes tyre mund të ketë ende diçka.
Pas daljes nga “Big Brother”, ndarja mes Joanës dhe Anaidit ishte e menjëhershme. I ngacmuar lidhur me këtë temë, fituesi i “Big Brother 6” është shprehur se mes tij dhe Joanës tashmë nuk ka asgjë.
“Flasim ndonjëherë kur takohemi në rrugë, por vetëm kaq, përshëndetemi. Nuk kemi asgjë që kur kemi dalë nga shtëpia e “Big Brother”, ka mbaruar aty. Na kanë pyetur gazetarët, por jo”,- është shprehur Anaidi, citon blitz.al.
Kujtojmë se pas fitores në “Big Brother”, vetëm një ditë më vonë, Anaidi u paraqit në studion e Fan Club, ku dha deklaratën e papritur se mes tij dhe Joanës gjithçka kishte marrë fund.