3.8 C
Prizren
E martë, 27 Shkurt, 2024

Analistët: Dorëheqja e Mustafës e shpëton LDK-në

IsaMustafa-LDKAnalistët politik janë të bindur se e vetmja zgjidhje do të ishte marrëveshja që LDK-ja të mbajë një kuvend të përgjithshëm zgjedhor të sajin, duke zgjedhur dikë tjetër në pozicionin e liderit të LDK-së, për shkak të përçarjes mes Isa Mustafës e Fatmir Sejdiut.

Ata thonë se dorëheqja e Mustafës do të ishte akt moral.

Ngritja e zërit për zgjedhje të reja brendapartiake para zgjedhjeve parlamentare të këtij viti, gjithandej degëve të LDK-së në Kosovë, dhe kërkesa për ndryshime në lidership që po injorohet nga Mustafa, po e bën gjithnjë e më zëshëm dhe të fuqishëm në kërkesa për reforma të thella krahun e ish-presidentit Sejdiu, por injorimi i këtij zëri nga Isa Mustafa dhe hezitimi i tij për marrëveshje politike me Sejdiun mund t’i kushtojë kreut të LDK-së me humbjen e posti aktual dhe ndarjen më dysh të partisë më të madhe opozitare, që mëton të fitojë zgjedhjet parlamentare të këtij viti, shkruan Kosovasot.

Këto janë parashikime të tashme, me të cilat shihet e ardhmja sfiduese e LDK-së para zgjedhjeve të reja parlamentare.

Derisa sot, nënkryetarja e Lidhjes Demokratike të Kosovës, Teuta Sahatqija, ka thënë se zgjedhjet në këtë parti pritet të mbahen në nëntor, kur është edhe afati i tyre i rregullt.

Sahatqija ka mohuar mundësinë e zgjedhjeve të parakohshme në partinë më të madhe opozitare, për çka duket se po angazhohet ish Presidenti Fatmir Sejdiu.

Më Shumë

Prizren/ Aktakuzë për shitblerje të narkotikëve

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit G.I., i cili gjendet në paraburgim për shkak të...

Liria e Fushë-Kosova / Pa gola

Dueli i skuadrave që gjenden në zonën e rrezikshme mes Lirisë dhe Fushës Kosovës është mbyllur pa gola. Prizrenasit ndodhen në vendin e fundit me...

Lajmet e Fundit