15.8 C
Prizren
E martë, 27 Shkurt, 2024

Jahjaga shpreson që negociatat për MSA të mbyllen në pranverë

jahjaga dhe LunacekPresidentja e Kosovës, Atifete Jahjaga shprehu sot gatishmërinë e institucioneve të vendit për të përmbushur deri në pranverë, kriteret e nevojshme për mbylljen e negociatave me Bashkimin Evropian, rreth Marrëveshjes së Stabilizim Asociimit.

Këtë zotim, presidentja ia komunikoi euro-parlamentarës Ulrike Lunacek të cilën e priti sot në zyrën e saj në Prishtinë, dhe diskutoi me të çështjen e procesit të euro-integrimeve të Kosovës.

“Presidentja Jahjaga theksoi se institucionet e Kosovës janë të përkushtuara për të përmbushur të gjitha kriteret dhe standardet që do të mundësojnë përmbylljen me sukses të negociatave për Marrëveshjen e Stabilizim Asociimit me BE-në në pranverë të këtij viti”, thuhet në njoftimin që i dërgoi presidenca medieve të hënën pas takimit.

Presidentja Jahjaga ka falënderuar po ashtu eurodeputeten Lunacek, për kontributin e saj personal dhe për mbështetjen e gjerë të anëtarëve të Parlamentit Evropian për kalimin e Rezolutës për Kosovën.

Lunacek që është edhe raportuese e Parlamentit Evropian për Kosovën, vlerësoi të arriturat në Kosovë dhe posaçërisht theksoi rëndësinë e organizimit dhe mbajtjes me sukses të zgjedhjeve lokale në tërë territorin e Kosovës.

Më Shumë

Jasharaj: Kam frikë se mund të fillojë një grevë e heshtur tek mësimdhënësit

Kryetari i Sindikatës së Bashkuar të Arsimit dhe Shkencës, Rrahman Jasharaj, ka thënë se mësimdhënësit janë tejet të pakënaqur me Ligjin e Pagave dhe...

“Dashuria e jetës”, momente romantike mes Ilnisës dhe Meritonit

Meritoni dhe Ilnisa, janë dy konkurrentë të formatit ‘BBV3’ të cilët kanë krijuar një romancë brenda shtëpisë. Edhe pse çifti ka patur ‘ulje dhe...

Lajmet e Fundit