Carlo Ancelotti konfirmoi se tregu i transferimeve të Real Madridit është “mbyllur” të dielën, duke thënë se asnjë lojtar nuk do t’i bashkohej ose do të largohej nga klubi i La Liga-s para afatit të së martës.
Madridi u ndal në një barazim 0-0 nga Real Sociedad në Santiago Bernabeu, duke i lënë ata pesë pikë prapa liderit të ligës, Barcelonës, por trajneri Ancelott-i ka qenë i qëndrueshëm duke thënë se nuk ka nevojë të shtohet skuadra gjatë merkatos së këtij muaji.
“[Është] e mbyllur, po”, tha Ancelotti në konferencën e tij për shtyp pas ndeshjes kur u pyet për ndonjë lëvizje të mundshme. “Në të dy kuptimet, daljet dhe mbërritjet”.
Shtatë lojtarëve të ekipit të parë do t’i skadojë kontrata në qershor, me dyshime për të ardhmen e Marco Asensio, Dani Ceballos dhe Nacho Fernandez, si dhe veteranëve Luka Modric dhe Toni Kroos.
Një numër i lojtarëve që kanë munguar për shkak të lëndimeve, përfshirë Aurelien Tchouameni dhe David Alaba, do të kthehen në gjendje fizike përpara ndeshjes së Madridit në La Liga me Valencia të enjten. /Albanianpost.com