Jennifer Aniston thotë se nuk e ka në plan t’u nënshtrohet procedurave estetike për ta përmirësuar dukjen e saj, ndërsa tregon se rregullisht han ushqim të shëndetshëm dhe ushtron, në mënyrë që të ruajë peshën ndërmjet 49 dhe 51 kilogramë.
Në një intervistë për Yahoo Beauty, aktorja ka thënë se në këtë periudhë do të dëshironte t’i humbte edhe 2.5 kilogramë, porse e ka të vështirë në moshën që ka.
45-vjeçarja ka pranuar se Hollywoodi, jo vetëm se kërkon dukje të përsosur dhe dieta rigoroze, porse bën presion ndaj femrave që të duken më të reja.
“Kam qenë dëshmitare e asaj se çfarë janë në gjendje femrat të bëjnë në mënyrë që të mbesin gjithmonë të reja”.
“Jam falënderuese që kam mundur të mësoj nga gabimet e tyre, sepse unë nuk e kam në plan që të injektoj asgjë në fytyrën time”, ka thënë Aniston.