0.8 C
Prizren
E diel, 29 Janar, 2023

Ariu del nga robëria e restorantit në Shqipëri, mbërrin në Austri

Pas më shumë se njëzet vjetësh në robëri, Marku, i fundit nga “arinjtë e restorantit” të Shqipërisë, ka mbërritur i sigurt në shtëpinë e tij të re, një strehë kafshësh në Austri, sipas grupit të shpëtimit të kafshëve Four Paws International.

Të ashtuquajturit “arinj restoranti” janë mbajtur historikisht në kafaze të vogla pranë restoranteve ose hoteleve, ku shërbenin si një atraksion për turistët, sipas Four Paws.

Në vitin 2016, organizata nisi fushatën “Arinjtë më të trishtuar” në një përpjekje për të zhvendosur më shumë se 30 arinjtë që përdoren si argëtim në vend, raporton CNN.

 

Marku, një ari i murrmë 24-vjeçar, është “ariu i restorantit” i fundit i njohur në Shqipëri, sipas një njoftimi nga Four Paws, megjithëse ka arinj të tjerë në robëri në rrethana të vështira në vend. Ai u shpëtua më 7 dhjetor dhe mbërriti në shtëpinë e tij të re, “BEAR SANCTUARY Arbesbach” në Austri të premten.

Kur Four Paws takoi Markun për herë të parë, raportoi se kafsha vuante nga probleme të rënda shëndetësore. Ai ishte mbipeshë, kishte dhëmbë të thyer dhe shfaqte sjellje “jonormale”.

 

Më Shumë

Arrestohet i dyshuari për vjedhje në Planejë të Hasit

Është arrestuar i dyshuari për vjedhje në fshatin Planejë të Hasit. Ai është dërguar në mbajtje. “Është identifikuar dhe arrestuar një mashkull kosovar si i dyshuar...

Robin Krasniqi rikthehet në ring, ja me kë do të përballet

Boksieri shqiptar, Robin Krasniqi do të rikthehet në ring, me 25 shkurt.   Krasniqi ka bërë të ditur kundërshtarin, i cili do të jetë numri një...

Lajmet e Fundit