Policia e Kosovës ka arrestuar tre persona në Prizren e një në Suharekë.
Tri arrestime janë bërë me kërkesë të Gjykatës. Sipas policisë, njëri arrestim është bërë në rrugën “William Woker” në Prizren, i cili pas përfundimit të procedurave gjyqësore është liruar dhe tjetri në rrugën “Sheh Emini”, i cili është dërguar në vuajtje të dënimit.
Kurse, arrestimi i tretë u bë në fshatin Vraniq të Suharekës, që po ashtu është dërguar në vuajtje të dënimit.
Në rrugën “Bujtina” në Prizren, ndërkaq është arrestuar i dyshuari pasi që i njëjti ka dëmtuar lokalin e një pronari duke i shkaktuar dëme të konsiderueshme materiale. Me urdhër të prokurorit i dyshuari dërgohet në mbajtje. /PrizrenPress.com/