Një i dyshuar është arrestuar sot nga policia në rrugën “Mark Kaqinari” në Prizren, ai kishte tentuar t’ia grabiste 20 mijë euro një qytetari i cili kishte provuar të këmbente monedha nga Franga në Euro në një këmbimore në qytet.
Kur viktima ishte duke i numëruar të hollat, i dyshuari i ka grabitur të hollat duke e goditur viktimën dhe ka filluar ikjen.
“Viktima kishte kërkuar ndihmë nga disa qytetarë për rreth të cilët menjëherë kanë reaguar dhe e kanë ndaluar të dyshimtin. Një patrulle policore kishte qenë afër vendit të ngjarjes e cila ka reaguar dhe menjëherë e ka arrestuar të dyshimtin. Në lidhje me rastin është informuar Prokurori i Shtetit i cili ka lëshuar aktvendim për ndalim të personit të dyshimtë dhe i njëjti është ndaluar në afat prej 48 orë”, thuhet në raportin e policisë.