Policia e Kosovës njofton se rreth orës 06:00 të mëngjesit, gjatë kontrollit në një objekt banimi në fshatin Damanek të Komunës së Malishevës ka arrestuar një person, nën dyshimin e bazuar se i njëjti po kryente veprën penale ‘import-eksport, furnizim, transportim, prodhim, këmbim, ndërmjetësim’ ose ‘shitje e paautorizuar e armëve’.
I arrestuar është H. K. i lindur me 1954.
Policia bënë të ditur se në cilësi të provave materiale janë gjetur dhe janë konfiskuar: një automatike AK-47, kal. 7.62 mm; një pushkë 10-she, kal. 7.62 mm; një pushkë karabina, kal. 8×57 mm; një pushkë ajrore (sportive); 166 copë fishekë diabola; 3 copë fishekë, kal. 8×57, dhe 2 karikatorë për AK-47.
I dyshuari me urdhër të prokurorit të Prokurorisë Themelore në Gjakovë, Departamenti për Krime të Rënda, ka urdhëruar ndalimin për 48 orë, ndërsa provat materiale janë konfiskuar për procedim të mëtutjeshëm. /PrizrenPress.com/