7.8 C
Prizren
E mërkurë, 21 Shkurt, 2024

Arrestohet vëllai i drejtorit të Inspektoratit në Prizren, dyshohet për kontrabandim me migrantë

Policia e Kosovës sot ka kryer një aksion në rajonin e Prizrenit, ku janë kryer bastisje në disa lokacione ku dyshohej se kryheshin veprime kriminale. Ky aksion ka rezultuar me arrestimin e dhjetëra personave të dyshuar për trafikim me migrantë dhe sekuestrimin e autobusëve të cilët dyshohet se janë përdorur për të kontrabanduar shtetasit e huaj, raporton Gazeta Sinjali.

Burimet e Gazetës Sinjali kanë bërë të ditur se në prangat e Policisë ka përfunduar edhe Labinot Ukaji njohur si ‘Lab Bashkimi’, i cili është vëllai i drejtorit të Inspektoratit në Komunën e Prizrenit, Islam Ukimeri. Ky i fundit është edhe pronar i kompanisë turistike ‘Bashkimi Reisen’.

Lidhur me arrestimin e vëllait të tij, ka folur edhe vetë Ukimeri, i cili tha për Sinjalin se nuk e di ende se përse është arrestuar vëllai i tij, teksa ka mohuar të jenë kryer bastisje në kompaninë e tij.

Ja ja, është vëllai jem, drejtori që është i firmës se unë ja. Nuk është bastisë kompania, veç e kanë marrë vëllain tem. E kanë marrë në pyetje po më shumë nuk di. Kurrgjë s’u bastisë te na. Nuk p’e di hiç pse është arrestu vëllai, se nuk jom unë në ngjarje hiç, nuk jom kanë ktu, hala nuk jom në ngjarje hiç. Po presim ndërkohë. Na kemi veç linja Prizren – Prishtinë, na qato linja i bajmë as nuk dalim jashtë shtetit as kurrkund“, tha drejtori Ukimeri për Sinjali.

Më Shumë

Arrestohet në Prizren një person, sulmoi fizikisht nënën dhe motrën e tij

Një person është arrestuar, në Prizren ditën e djeshme. I njëjti thuhet se ka sulmuar fizikisht nënën dhe motrën e tij. Viktimat kanë pranuar tretman mjekësor,...

Zbulohet busti i dëshmorit Bashkim Suka

Me nderime të larta e krenari, sot, u zbulua busti i dëshmorit të kombit, luftëtarit të UÇK-së, Bashkim Suka, i cili ra në altarin...

Lajmet e Fundit