Rreth 32 mijë nxënës të Komunës së Prizrenit nga të cilët 2500 në klasën e parë kanë nisur sot vitin e ri shkollor. Nxënësve të klasës së parë, në shkollën “Abdyl Frashëri” në Prizren abetaret ua shpërndan, ministri në detyrë i Arsimit, Arsim Barjrami, kryetari i Komunës Ramadan Muja dhe drejtori i Arsimit Zahadin Shemsedini.
“Padyshim se fillimi i vitit të ri shkollor është një festë për të gjitha familjet sepse sot po hapen dyert e më shumë se 350 mijë nxënësve të arsimit para universitar dhe kjo i jep gjallëri Kosovës sepse të rinjtë janë e ardhmja e vendit”, tha ministri në detyrë Arsim Bajrami, gjatë vizitës në shkollën “Abdyl Frashëri” në Prizren.
Ministri më tej than ë Prizren se ministria po punon që “ky vit shkollor të jetë vit kur do të realizohet misioni kombëtar i ngritjes së cilësisë në sistemin arsimor” ndërsa Prizrenin e quajti shembull të mirë në këtë rrugëtim
“Ministria Arsimit është e interesuar të mbështet Drejtoritë Komune të Arsimit dhe po punojmë që edhe qeveria e ardhshme kurdo që të formohet ta vendos Arsimin si prioritet kryesor kombëtar, të rrit fondet për edukim dhe të mbështeten mësimdhënësit në modernizimin e shkollave. Jemi në rrugë të mbarë ta realizojmë misionin kombëtar për një edukim cilësor në mënyrë që çdo prind të ndihet krenar me shkollën tonë” u shpreh ministri Bajrami.
Risia e këtij viti sipas ministrit është kutikula e re e cila do të zbatohet në nivelë kombëtar
“Kurikula a re evropiane që zëvendëson shkollën klasike memorizuese në një shkollë praktike moderne dhe jam i sigurt se qysh tash e kemi përmirësuar sistemin arsimor dhe në cilin do vlerësim që do të bëhet do të fillojë ngritja graduale dhe kjo do të reflektohet në të gjitha fushat e jetës. Jemi në rrugë të mirë për të ndërtuar një edukim cilësor si parakusht për prosperitetin e përgjithshëm të shoqërisë” tha ministri në detyrë Arsim Bajrami.
Kryetari i Komunës së Prizrenit Ramadan Muja tha se gjallëri e fatosave dhe nxënësve të klasave të larta është begati e shtetit tonë, ndërsa drejtori i Arsimit Zahadin Shemsedini tha se në Komunën e Prizrenit në arsimin parauniversitar janë rreth 32 mijë nxënës nga të cilët 2500 këtë vit ulen për herë të parë në bankat shkollore. // Gazetaere.com/