Në Tiranë ndodhet për dy arsye, për t’i dhuruar lexuesit “Artisti pa atdhe” dhe për të përgatitur një teatër, ku do të përfshijë mbi 100 aktorë nga trevat shqipfolëse, një projekt i nisur një vit më parë.
Xhevat Limani, që në titull është aktor, ndër të parët profesionistë shqiptarë në Shkup, nisi të shkruaje për tokën amë, pas atentatit që iu bë në vitin 2002 në Maqedoni dhe që e shtyu të jetojë në vazhdim në Shtetet e Bashkuara.
Ky është edhe shkaku që prezantimin e parë të librit e bën në Shqipëri.
“Artisti pa atdhe” është një rrëfim mes të shkuarës dhe të tashmes. Limani i shkruan lirisë së munguar të atyre që jetojnë jashtë kufinjve të Shqipërisë. /Tv Klan