Ish-kryetari Blerim Kuçi, ia ka dorëzuar detyrën kryetarit të Suharekës, Sali Asllanajt. Kuçi ka uruar Asllanaj për fitoren e arritur në zgjedhjet e fundit lokale. Kryetari Sali Asllanaj, ndërkaq ka premtuar se do të jetë në shërbim të qytetarëve.
“Unë mendoj që komuna jonë është njohur si një komunë e mirë dhe e rregullt.Nnjë kohë të gjatë ka figuruar si një ndër komunat më te mira dhe më të suksesshme. Besoj se do të vazhdojmë edhe më tej të punojmë me nder”
Asllanaj,tha se ende nuk e km krijuar ekipin qeverisës. “Shumë shpejt do ta formoj një ekip të drejtorëve do të emroj njerëz të aftë dhe do t’i përkushtohemi punës”. Kuçi dhe Asllanaj, kanë biseduar edhe për sfidat që e presin Komunën e Suharekës.
Kryetari i Suharekës, Sali Asllanaj ndërkaq betimin do të bëjë të mërkurën e kësaj jave. Në këtë ditë po ashtu betimin do të japin edhe këshilltarët e Asamblesë Komunale, të cilët kanë fituar në zgjedhjet e 3 nëntorit.
Seanca inaguruese, do të hapet nga këshilltari më i vjetër, Avdyl Sopaj (LDK).Sali Asllanaj në zgjedhjet e lokale ka arritur të sfidojë kandidatin e AAK-së, Bali Muharremajn. /PrizrenPress.com/