Atletico Madridi thuhet se është shumë afër të transferojë Alexandre Lacazetten nga Arsenali.
Sulmuesi francez nuk është i kënaqur me trajtimin që po i bën Mikel Arteta, andaj është i hapur të largohet.
Trajneri spanjoll është i gatshëm që të lejojë Lacazetten të largohet, në mënyrë që të krijojë sa më shumë fonde për transferimet e reja.
Sipas asaj që raporton Marca, Los Rojiblancos duan që sa më parë të mbyllin transferimin e francezit nga The Gunners.
Arsenali po kërkon 45 milionë euro nga shitja e lojtarit, mirëpo insistojnë edhe në shkëmbim lojtarësh.
Skuadra londineze po e kërkon Thomas Partyen dhe mund të lejojë Lacazetten të kalojë në anën tjetër.