Festivali më i rëndësishëm i muzikës së lehtë shqiptare “Kënga Magjike” ka përfunduar sonte me finalen e madhe të mbajtur në Pallatin e Kongreseve.
Në finalen e festivalit garuan 20 artistë, të dalë nga formula, këngëtarët votojnë njëri –tjetrin.
Pas votimeve të hapura, fitues i festivalit është shpallur Aurela Gaçe ft Young Zerka me këngën “Pa kontroll”.
Në vendin e dytë është renditur Vedat Ademi ndërsa e treta Rosela Gjylbegu.
Ja edhe fituesit e disa çmimeve të tjera:
Çmimi i kritikës: Vedat Ademi (Asgjë njësoj)
Çmimi Kënga hit: Aurela Gaçe ft. Young Zerka (Pa Kontroll)
Çmimi diskografik: Endri dhe Stefi
Çmimi i RTV 21: Big Mama
Çmimi i internetit: Çiljeta Xhilaga
Çmimi Kantautori më i mirë: Kledi Bahiti
Çmimi Baladë: Rosela Gjylbegu
Çmimi i interpretimit: Genta Ismajli
Festivali “Kënga Magjike” është bashkëprodhim i Televizionit Klan dhe Jon Music.