18.8 C
Prizren
E mërkurë, 17 Shtator, 2025

Badallaj: Gjuha çerek-shqipe e kandidatit të VV-së, nuk zëvendëson përparësitë që i ka kandidati Shaqir Totaj

Dega e PDK-së në Prizren, në një konferencë të jashtëzakonshme me mediat ka reaguar kundër deklaratës së Qendrës së Lëvizjes Vetëvendosje në Prizren, duke e quajtur kandidatin e VV Mytaher Haskukën dhe zëdhënësen e shtabit Alisa Hasanin turistë në Prizren.

Albrim Badallaj tha se “Partia Demokratike e Kosovës, Dega në Prizren, reagon ndaj deklaratës së VV-së, që shpërfaq frustrimet e identifikimit me qytetarët e Prizrenit. Rrugëtimi politik i PDK-së është i përbashkët me qytetarët shqiptarë, turq, boshnjak, rom, ashkalinjë e egjiptas të Prizrenit. Kandidati ynë dhe Partia Demokratike, nuk ka gjuhë përbuzëse dhe ofenduese për qytetarët e Prizrenit”.

Badallaj zëdhënësen e Shtabit zgjedhor dhe kandidatin për kryetar të VV-së i ka quajtur turistë në Prizren.

“Zëdhënësja turiste e vikendeve në Prizren dhe kandidati i VV–së për kryetar komune kanë humbur qëmoti gjuhën e komunikimit dhe bashkëpunimit me qytetarët e Prizrenit. Lëvizja Vetëvendosje, në momentin që ka lejuar të identifikohet me turistë politik për vikende në qytetin e Prizrenit, duhet ta ketë të qartë se kandidati ynë, Shaqir Totaj, flet gjuhën, manifeston kulturë dhe elaboron programin për zhvillim të përbashkët, të të gjitha etnive në Prizren. PDK është shumë e bindur, se gjuha çerek-shqipe e kandidatit të VV-së, nuk zëvendëson përparsitë që i ka kandidati ynë, z.Shaqir Totaj, i cili ka refuzuar qëmoti kërkesën e VV-së, që të jetë lider i tyre” tha ai.

Badallaj më tej tha se “Mytaher Haskuka, po të ishte nga rrënjët familjare, ashtu siq pretendon komunikata e VV-së, nuk do të ishte rezident në Prishtinë, e gjysëm rezident diku tjetër. Qytetarët e Prizrenit e kanë të freskët dhe e njohin mirë të kaluarën e familjes së kandidatit Haskuka”.shkruan gazetare.

PDK thotë se është “kërkesa e qytetarëve në tubime elektorale, që të sqarohet statusi i kandidatit të VV-së, se a është vetëm turist i vikendeve në Prizren apo planifikon qëndrim rezident pas humbjes në Prizren, më 22 tetor.

“Partia Demokratike e Kosovës, fton partitë politike në Prizren dhe gjithë qytetarët e komunës sonë, që, të manifestojnë kulturë demokratike, gjatë kohës së fushatës elektorale dhe komunikimi korrekt, program dhe alternativa të qarta për zhvillimin e komunës sonë” tha Badallaj.

Më Shumë

Shërbimi i Zjarrfikësve në Dragash pajiset me mjete teknike falë KFOR-it Italian

Shërbimi i Zjarrfikësve në Dragash është pajisur dje me një kontingjent të ri mjete teknike, të cilat do të rrisin efikasitetin dhe cilësinë e...

Zbulohen substanca narkotike në pikën kufitare në Vërmicë, i dyshuari dorëzohet në DHTN Prizren

Dogana e Kosovës njofton se më datë 11 shtator 2025, rreth orës 09:30, në pikën kufitare në Vërmicë, gjatë kontrolleve rutinore, zyrtarët doganorë në...

Lajmet e Fundit