Shkruan: Jeton Hulaj
Sot, copat e trupit tim u poqën nga loti i shpirtit,
i kisha nga jetesa e mjeruar, si artist.
Sot, jam krenar me bamirësinë e njerëzve,
i zhgënjyer me jetën si artist i anashkaluar.
Loti më tradhton,
dhembja në zemrën time është e madhe sa Çakorri, Bjelluhi dhe Rugova.
Këtë dhembje do ta kisha harruar, sikur kufiri të ishte aty ku Zoti ma ka dhuruar,
dua që varrin e Bubës, e nesër timin ta ruajë përgjithmonë Çakorri.
