9.8 C
Prizren
E premte, 29 Mars, 2024

Barcelona është destinacioni i preferuar i Koulibaly

Mbrojtësi i Napoli-t, Kalidou Koulibaly po shikon një transferim në Barcelonë, destinacionin e tij të preferuar, sipas gayetës Diario Sport.

Qendërmbrojtësi ka një vit të mbetur në kontratën e tij dhe dëshira e tij është që të largohet, por ai kërkon që edhe klubi italian të përfitoj diçka nga transferimi i tij, për shkak të marrëdhënies së tij të gjatë me klubin.

Barcelona është e vetëdijshme për dëshirën e Koulibaly, por ata ende nuk kanë bërë një lëvizje pasi janë në pritje për të parë se çfarë do të bëjë Napoli.

Ndërsa Chelsea, Tottenham Hotspur dhe Juventus kanë bërë të gjithë një përpjekje për të filluar bisedimet, por Camp Nou është opsioni i preferuar i ndërkombëtarit senegal.

Xavi Hernandez është i etur për të forcuar mbrojtjen e blaugranasve dhe kishte kërkuar që të nënshkruhet Jules Kounde i Sevilla-s, por një tarifë transferimi prej 65 milionë euro dhe interesi i fortë nga Chelsea ka të ngjarë të pengojnë këtë transferim.

Napoli dëshiron që Koulibaly të qëndrojë dhe i ka ofruar një kontratë të re, por duket qartë se mbrojtësi nuk do të rinovojë.

Barcelona do të përpiqet të përfshijë një lojtar si pjesë e marrëveshjes, me Napoli-n të hapur ndaj idesë për të inkorporuar Miralem Pjanic ose në formë huazimi ose një transferim të përhershëm.

/Albanianpost.com

Më Shumë

Lajmet e Fundit