22.8 C
Prizren
E premte, 29 Mars, 2024

Barcelona në krizë të madhe, rrezikon falimentimin

Barcelona është në telashe serioze financiare tani për tani. Nuk është më thjesht thashethem, sepse vetë klubi e ka pranuar, dhe është një krizë që ngre shumë pyetje.

A ka falimentuar Barcelona?

Klubi ende është në gjendje t’i paguajë borxhet e veta. Barça është në rrezik, por shumë larg përballjes me ndonjë krizë të ekzistencës.

Barcelona ka borxh prej 1.2 miliard euro, të cilin, sipas MARCA-s, mund ta paguajë vetë.

Gjiganti katalonas ka shumë asete, përfshirë pronë, objekte dhe, natyrisht, futbollistë.

Shitja e Antoine Griezmann, Philippe Coutinho, Ousmane Dembele apo Frenkie de Jong, për shembull, do të ndihmonte në adresimin e borxhin ekzistues.

Si po menaxhohet situata në klub?

Kjo do të jetë detyra kryesore për presidentin e ri dhe të gjithë kandidatët për president e kanë një plan për këtë, i cili kryesisht përfshin rinegocimin e planeve të pagesave për t’i blerë kohë klubit, po ashtu duke kërkuar kredi të tjera.

A mund të shndërrohet Barcelona në SAD?

Klubi ka burime për ta shmangur ndërrimin në SAD – në një kompani të kufizuar sportive – si çdo klub tjetër në La Liga, përjashtuar Real Madridin, Athletic Club dhe Osasuna.

Të gjithë kandidatët për president duan ta mbajnë modelin e tanishëm, pra klubi të kontrollohet nga anëtarët e vet.

A do të jetë Barcelona në gjendje të blejë lojtarë në verë?

Klubi nuk ka shumë hapësirë për manovrim në tregun e transferimeve, prandaj numri i prurjeve të reja pritet të jetë i kufizuar dhe do të afrohen vetëm lojtarët të cilëve u mbarojnë kontratat me klubet e tjera përkatëse, si Eric Garcia, Memphis Depay dhe Georginio Wijnaldum.

A do të detyrohet Barcelona të shesë lojtarë?

Shkurt thënë: po. Barcelona duhet të sigurojë të hyra dhe shitja e ndonjë lojtari të madh është mënyra më e mirë për ta arritur këtë.

Më Shumë

Antidroga me aksion në Prizren dhe Gjakovë, ka të arrestuar

Drejtoria për Hetimin e Trafikimit me Narkotik, e asistuar nga Policia e Kosovës ka realizuar operacion policor në disa lokacione në Prizren dhe në...

‘O do të flasësh, o do të vdesësh’- Dëshmia tronditëse e ish-partizanit: Kapiteni dhe nëntogeri më torturonin

Antifashistët që ishin burgosur në Itali në rrethana të ndryshme, por që u liruan nga anglo-amerikanët në vitin 1943, pas largimit të misionit amerikan...

Lajmet e Fundit