Emisioni “Fiks Fare” ka përcjellë problematikën e një qytetari në Cërrik, i cili pasi e ka ndihmuar drejtësinë që të zbardhë masakrën e 97-s, tani është pa mbrojtje dhe rrezikon jetën.
Bëhet fjalë për një 41-vjeçar me iniciale B.B, i cili ka qenë gjithashtu anëtar i njërës prej bandave famëkeqe që vepronin në atë zonë në vitet e mbrapshta për Shqipërinë dhe e ka kryer edhe vetë dënimin për pjesmarrje në banda të armatosura.
Më pas B.B arriti të krijonte një jetë sadopak normale në Tiranë dhe madje e ndihmoi shtetin shqiptar përpara gjashtë vjetësh që të zbardhte një nga krimet më të rënda të vitit 1997, që kishte mbetur mister.
Për këtë qëllim ai u vu në mbrojtje nga shteti, por tashmë afati i mbrojtjes së tij duket se ka mbaruar dhe qytetari B.B mund të rrezikojë jetën e tij dhe të familjarëve në rast se nuk mbrohet sërish.