Banorët fillojnë të shprehen dhe ta lehtësojnë Marian me atë se çfarë ata mendojnë tani që dëgjuan këtë histori.
Alba thotë se ajo në dhomën e rrëfimit ka deklaruar se kur ka ardhur Maria, i është dukur shumë antipatike. Alba thotë që kjo që sapo dëgjuan është një mësim shumë i mirë sepse asnjëherë nuk mund ta gjykojnë një njeri pa e njohur. Xhensila thotë se Maria ka pasur një mur përpara banorëve dhe ka qenë shumë e vështirë për ta njohur atë.
Eleonora shton se ajo e ka zbuluar vetë historitë e Marias dhe për sa i përket gjykimit, Eleonora shpjegon se në fillim e ka parë Marian pa asnjë lloj konturi. Duke e parë në situata të ndryshme, ajo ka kuptuar se Maria akoma nuk është konfiguruar brenda në shtëpi. Eleonora ka dëshirë ta shikojë Marian si personazh, përtej kësaj historie. Fatjoni i thotë Marias se i vjen shumë keq për atë që ajo ka kaluar, këtu në shtëpi, secili nga ata vjen nga realitete të ndryshme.
Maria prezantohet me banorët sikur i takon për herë të parë.