Kryetari i Komunsës së Malishevës, Ragip Begaj, ka vizituar gjashtë shkolla, me qëllim të njoftimit direkt me gjendjen në shkollat e komunës, ndërsa ka inspektuar edhe punimet në oborrin e njësisë së zjarrfikësve dhe punimet e një rruge në Astrazup.
Begaj gjatë vizitës në shkollat në Banjë, Temeqinë, Guncat, Bellanicë, Bardh dhe Senik, është njoftuar nga ana e drejtorëve të shkollave, me gjendjen në këto shkolla dhe për arritjet në mësim, ku është konstatuar në përgjithësi një gjendje shumë e mire dhe disa suksese të arritura nga ana e shkollave, përderisa u mësua se SHMU “Naim Frashëri” nga Banja, do të jetë pjesëmarrëse në kuizin 1,2,3, ndërsa dokumentari në RTK, për këtë shkollë, do transmetohet më 28 Nëntor, në Ditën e Flamurit.
Ndërsa gjatë vizitës shkollën e fshatit Guncat, nxnësit e kësja shkolle, kishin ndërmarrë një aksion pastrimi të mbeturinave, në rrugën krysore të fshatit, nga shkolla deri tek lapidari në qendër të fshatit, aksion për të cilin, kryetari Begaj, i përgëzoi nxënësit e kësaj shkolle.
Po ashtu gjatë ditës Begaj, ka inspektuar punimet në rregullimin e oborrit të objektit të njësisë së zjarrfikësve dhe shpëtimit, si dhe punimet në zgjerimin dhe rregullimin e rrugës në lagjen “Frashëri” në Astrazup, të dyja këto investime të Komunës së Malishevës. /PrizrenPress.com/