Zëdhënësi i Komunës së Prizrenit, Ymer Berisha, vlerëson se kryetari Ramadan Muja nuk e ka kërcënuar asambleistin e BD-së, Osman Hajdarin.
Ai thotë se Muja ka dashur vetëm t’ia tërheq vërejtjen Hajdarit, që të mos përdorë gjuhë ofenduese. “Hajdari qëllimisht ka dashur ta ngacmojë kryetarin Muja”.
Asambleisti i BD-së, Osman Hajdari, dje ka paditur për kërcënim kryetarin e Komunës së Prizrenit, Ramadan Mujën. Ai vlerëson se fjalori që ka përdorë Muja në seancën e Asamblesë, ka qenë kërcënues.
Zëdhënësi i Komunës, Ymer Berisha ndërkaq mendon ndryshe nga Hajdari. “Kryetari ka dashur vetëm t’i tërheq vërejtjen që Hajdari të tërhiqet nga fjalori ofendues”/PrizrenPress.com/