Pesë shqiptarë, pjesëtarë të një grupi kriminal janë dënuar në total me 30 vjet burg për trafik droge dhe pastrim parash.
Të dënuar janë dy vëllezërit Eduart Plaku, 37 vjeç, i cili është dënuar gjashtë vjet, dhe Antonio Plaku, 25 vjeç, me 17 vjet burgim, transmeton Shekulli. Albert Cena, 29 vjeç, është dënuar me katër vjet, kurse britaniku Stephen Thomas me 21 muaj burg.
Më parë është dhënë dënim dhe për Fatjon Shehu, 29 vjeç, i cili mori dënim me 21 muaj burg, dhe Leonard Hasanaj, 33 vjeç, me tre vjet burg.
Hasanaj u kap me 2 kg kokainë me vlerë 124 mijë paundë, ndërsa po e transportonte me taksinë e Stephen Thomas. Antonio Plaku u identifikua si pritësi i drogës dhe u kap me një çantë me 40 mijë paund kesh.