Kryeministri HashimThaçi, shumë shpejt pritet t’ia japë punën shtesë njërit prej zëvendësve të tij. Bëhet fjalë për zëvendëskryeministrin Bujar Bukoshi i cili do të ketë për detyrë që ta përfaqësojë kabinetin qeveritar në punimet e Kuvendit të Kosovës. Ish-ministri i Shëndetësisë, është rikthyer në pozitën e tij qeveritare pasi ishte larguar vullnetarisht, me të filluar procesi gjyqësor ndaj tij ku akuzohej për korrupsion.
Vendimi i gjykatës që e shpalli të pafajshëm ia mundësoi atij kthimin në postin e zëvendëskryeministrit. Muajin e kaluar kryeministri ia ka shpërndarë kabinetit qeveritar një letër me anë të së cilës ata duhet të votonin për emërimin e një kujdestari të Qeverisë në Kuvend. Në atë mbledhje, kjo çështje ishte shtyrë, ndërsa e njëjta pritet të rikthehet në njërin nga takimet e ardhshme të Qeverisë.
Gazeta Tribuna edhe më herët ka publikuar dokumentin me anë të të cilit, kryeministri njofton kabinetin e tij se tash e tutje një njëri do të përkujdeset për punët në Kuvend dhe do t’i raportojë Qeverisë në detaje se çka ndodh atje.