22 C
Prizren
E mërkurë, 30 Korrik, 2025

Burg për Messin

Ylli i futbollit botëror Lionel Messi është dënuar me 21 muaj burgim, pasi një gjykatë në Barcelonë, aty ku edhe aktivizohet me “blaugranat”, e shpalli atë fajtor për 3 akuza të lidhura me evazionin fiskal.

Lajmi është bërë i ditur përmes një deklarate të gjykatës gjatë kësaj të mërkure. Gjykata dënoi gjithashtu edhe të atin e futbollistit argjentinas, Jorge Messi, sërish me 21 muaj burg dhe për të njëjtat akuza.

Megjithatë vendimi për dënimin e tyre mund të apelohet përmes Gjykatës Supreme spanjolle. Gjithsesi, bazuar mbi ligjet e Spanjës, vajtja në burg e Messit dhe të atit të tij është thuajse e pamundur, pasi për dënimet nën dy vite burgim mund të shlyhen edhe në liri me kusht.

Gjykata ka urdhëruar Messin të paguajë një gjobë prej rreth 2 milionë eurosh, ndërsa babain e tij me 1.5 milionë euro për këto shkelje.

Më Shumë

Temperaturat deri në 39°C sot në Kosovë

Sot parashikohet të mbajë mot jashtëzakonisht i nxehtë. Temperaturat do të shënojnë ngritje, me minimale që do të lëvizin prej 17 deri në 20°C, ndërsa...

Nga sot, furnizimi me ujë të pijshëm në Suharekë do të ketë orar të kufizuar

Kompania Rajonale e Ujësjellësit “Hidroregjioni Jugor” Sh.A – Njësia Suharekë ka njoftuar për reduktime të përkohshme të furnizimit me ujë të pijshëm në disa...

Jeta me harrimin

Lajmet e Fundit