Deputeti i PDK-së në Parlamentin e Kosovës, Berat Buzhala ka këshilluar kryetarin e Prizrenit, Ramadan Mujën, se si të veprojë, pas dënimit që ka marrë nga Gjykata Themelore në Prizren. Ai thotë se nëse Muja vepron me kokëfortësi, atëherë “ke me i hangër edhe stupcat, duke u shkarkuar me faqe të zezë”.
“Njëjtë, sikur për Rektorin, edhe për Mujën, unë besoj që punën më të zgjuar – nëse edhe më tutje i ka mbetur ndonje refleks moral politik – do ta bënte sikur të zbriste prej pozitës së Kryetarit sa nuk e kanë zbritur”, shkruan Buzhala në “Facebook”.
Shkrimi i plotë i Buzhalës në Facebook
Ca keshilla per Ramada’ Mujen, sa nuk eshte bere shume vone
E kam nje pershtypje qe do te behet nje gare e forte prej OJQ’ve, e partive politike, se kush do ti marr meritat per rrezimin e Ramadan Mujes prej pozites se te parit te Prizrenit.
Njejte, sikur per Rektorin, edhe per Mujen, une besoj qe punen me te zgjuar – nese edhe me tutje i ka mbetur ndonje refleks moral politik – do ta bente sikur te zbriste prej pozites se Kryetarit sa nuk e kane zbritur.
Qe nje keshille prej nje bashkepartiaku:
– Ramada’, ngoje jaranin, ngrije poziten e te parit te Prizrenit, caktoje nje ushtrues detyre sipas mundesive qe ti ofron ligji, e prite vendimin final te shkalles se dyte.
– Ramada’, jam i bindur qe nese ti ki me vazhdu me kokefortesi – e kjo nuk po te mungojke, si shumices prej nesh – atehere ke me i hanger edhe stupcat e edhe kepte. Me nje fjale, edhe ke me u shkarku me faqe te zeze, e ndoshta edhe ke me u denu.
– Ramada’, i ke do vjet, e sic do te thoshte Arben Llapashtica, mos u bon femi, po gjeja vetit nje dericke…
Nese nuk beson, thirre ne telefon Ibrahim Gashin, ish rektorin. Rrafsh ke 100 vera para deres kane me te detyru jep doreheqje.
Nese sot dikush te thote se nuk ke nevoje me jep doreheqje se Partia te qendron per mbrapa, po te garantoj qe kur te vjen puna duke u nxeh nuk kane me te hape telefonin.