LDK-ja në Malishevë mbajti tubimin elektoral në Carrallukë. Të pranishëm në këtë tubim ishin deputeti i Kuvendit të Kosovës Anton Quni, kryetari i Degës Januz Kastrati, si dhe kandidati për kryetar të Komunës Salih Morina.
Kryetari i Degës Januz Kastrati në këtë takim u shpreh i binduar se me 3 nëntor Salih Morina do të jetë kryetar i Malishevës. “Ai është kandidati më i mirë nga të gjithë të tjerët si nga kandidati i partisë në pushtet, po ashtu edhe nga disa të tjerë të cilë kinse në këto zgjedhje dalin me një fytyrë tjetër para qytetarëve të Malishevës”.
Kastrati tha se Salihi me përvojen e tij si Sekretar i Ministrisë së Kulturës dhe Deputet në Kuvendin e Kosovës do ta qeverisë Malishevë ashtu siç i ka hije në interest të qytetarëve.
Edhe deputeti Anton Quni u shprehu i kënaqur me përkrahjen që fshatrat e Malishevës poi a bëjnë Salih Morinës.
Ai kërkoi nga banorët e Carrallukës që të mobilizohen për ta larguar të keqën që ka kapluar Malishevën në mënyrë që të rikthehet fryma rugoviane e qeverisjes. Quni kërkoi që të lidhet besa mes strukturave të LDK-së dhe simpatizantëve të saj për fitorën e Salih Morines.
Kandidati për kryetar të Malishevës Salih Morina tha ndërkaq se LDK-ja hynë fuqishëm në zgjedhjet e 3 nëntorit për të fituar Carrallukën dhe Malishevën. Ai theksoi se deri më sot Carralluka ka qenë e ndëshkuar nga pushteti aktual vetëm se gjithëmonë e ka mbështetur LDK-në /PrizrenPress.com/