Çerdhja “Yllka” e ka quajtur komentin publikimin e kryetarit të Prizrenit, Mytaher Haskuka, të cilin e ka bërë gjatë ditës së sotme në llogarinë e tij në Facebook.
Çerdhja e cila vepron në kuadër të kolegjit Mehmet Akif ka reaguar ndaj Mytaher Haskukës.
Haskuka përmes Facebook-ut fajësoi institucionin arsimor se nuk ka paguar qiranë dhe nuk i ka investuar më shumë se 600 mijë euro. Ai ka shtuar se operatori ekonomik ka pasur për obligim të regjistrojë çdo vit nga 20 fëmijë të dëshmorëve e veteranëve pa pagesë, gjë që sipas kryetarit kjo nuk ka ndodhur asnjëherë.
Çerdhja “Yllka” ka kërkuar nga Mytaher Haskuka që ta publikojë Aktvendimin e Gjykatës Themelore në Prizren në mënyrë që të informojë më drejtë opinionin sepse sipas kësaj çerdheje mos publikimi i aktvendimit është tendencioz.
Çerdhja ia ka rikujtuar Haskukës se vendimi për mbylljen e këtij institucioni sipas Gjykatës Themelore në Prizren është i kundërligjshëm.