Synimi i Atletico Madridit për afatin kalimtar veror, mbrojtësi i majtë i Chelseat, Marcos Alonso, nuk do të lëvizë nga “Stamford Bridge” këtë verë.
Chelsea nuk është i gatshëm t’i dëgjojë ofertat për Alonson, sipas Daily Mail, përcjell Gazeta Express.
Raportohet se Atletico është shumë i interesuar për ta kthyer 27-vjeçarin në vendlindje.
Më parë është raportuar se edhe gjiganti tjetër spanjoll, Real Madridi, kishte shprehur interesim për Alonson.
Por, të kaltrit do të këmbëngulin për të mos e lëshuar Alonson, i cili është bërë pjesë e pandashme e skuadrës londineze.