16.8 C
Prizren
E hënë, 26 Shtator, 2022

Çmimi Europian i Letërsisë, zbardhen kushtet e konkurrimit

Libra-kongresit te manastiritShqipëria do të jetë këtë vit mes 37 vendeve që konkurrojnë për Çmimin Europian të Letërsisë. Vendet e përzgjedhura për vitin 2014 janë: Shqipëria, Bullgaria, Republika Çeke, Greqia, Islanda, Letonia, Lihtenshtejni, Malta, Mali i Zi, Holanda, Serbia, Turqia, Britania e Madhe etj. Në këtë mënyrë edhe autorët shqiptarë do të kenë mundësinë të konkurrojnë për të fituar Çmimin Europian të Letërsisë shqiptare krahas shumë vendeve e kulturave të tjera europiane.

Ndërsa është përzgjedhur edhe Juria Kombëtare për Shqipërinë e Çmimit Europian për Letërsinë, e përbërë nga 5 anëtarë: Petrit Ymeri, president i Jurisë, kryetar i Shoqatës së Botuesve Shqiptarë dhe drejtor i Shtëpisë Botuese DITURIA; Diana Çuli, shkrimtare; Moikom Zeqo, studiues; Bujar Hudhri, drejtor i Shtëpisë Botuese Onufri; Mariana Misha, Drejtore menaxhimi e rrjetit të Librarive Adrion.

Kriteret bazë për përzgjedhjen e fituesit të këtij çmimi janë: së pari: autori i përzgjedhur duhet të jetë shtetas shqiptar; së dyti: çmimi u jepet autorëve “talente të reja”, jo për sa i përket moshës, por krijimtarisë; së treti: autori i përzgjedhur duhet të ketë botuar 2-4 libra artistikë; së katërti: librat duhet të jenë botuar brenda 5 vjetësh nga dhënia e çmimit (mund të ketë edhe ndonjë tolerim të vogël); së pesti: veprat e autorit fitues nuk duhet të jenë përkthyer më parë në më shumë se 4 gjuhë të huaja dhe, së fundi: autorët duhet t’i kenë botuar librat e tyre pranë një shtëpie botuese, jo në mënyrë vetjake.

Është hera e parë që Shqipëria renditet ndër vendet e përzgjedhura për të dhënë Çmimin Europian të Letërsisë, një çmim prestigjioz që starton qysh prej vitit 2009. Pra do të jepet një çmim europian për autorët shqiptarë, për letërsinë e re shqiptare. Komisioni Europian ka përzgjedhur Konsorciumin e këtij çmimi, të përbërë nga Federata e Botuesve Europianë, Këshilli i Shkrimtarëve Europianë dhe Federata e Librarëve Europianë të organizojnë këtë institucion tashmë të quajtur Çmimi Europian i Letërsisë. Konsorciumi, i kryesuar nga Federata e Botuesve Europianë, për koordinimin dhe për dhënien e këtij çmimi për vendin tonë ka përzgjedhur Shoqatën e Botuesve Shqiptarë, që ka një përvojë mbi 20-vjeçare plot veprimtari serioze.

13 fituesit për vitin 2014, do të shpallen për herë të parë gjatë ditëve të Panairit të Frankfurtit, ndërsa ceremonia zyrtare e ndarjes së çmimeve do të zhvillohet në Bruksel në datën 18 nëntor. Në ceremoni do të marrin pjesë mbi 300 të ftuar, politikanë, zyrtarë të BE-së, botues, shkrimtarë, agjentë letrarë, media të ndryshme etj. Ky çmim financohet nga Programi Kulturor i Bashkimit Europian dhe ka si qëllim kryesor promovimin e lëvizjes ndërkufitare të atyre që punojnë në sektorin kulturor, qarkullimin ndërkombëtar të ‘outputit’ kulturor dhe artistik, si dhe nxitjen e dialogut ndërkulturor. Falë këtij çmimi, fituesit e deritanishëm kanë arritur të kenë lexues përtej kufijve kombëtarë dhe gjuhësorë, kanë vendosur kontakte në botën letrare dhe veprat e tyre janë përkthyer në shumë gjuhë. Kjo është një mundësi dhe një shtysë shumë e mirë edhe për autorët shqiptarë, por edhe për botuesit e tyre.

Më Shumë

Ish-komandanti i UÇK-së ftohet nga Specialja, reagon fshati Mushtisht

Ish-komandanti i Zonës Operative të Pashtrikut, të Ushtrisë Çlirimtare të Kosovës, Sadik Halitjaha, disa ditë më parë ka pranuar ftesën që të paraqitet në...

Limaj: Do mbahem mend se e kam nxjerr Kosovën prej lloçit – i kam ndërtu autostradat

Fatmir Limaj – Kryetari i Nismës Socialdemokrate, ka thënë se në politikë do të mbahet mend që të ndihen krenarë nipërit dhe mbesat e...

Lajmet e Fundit