17.8 C
Prizren
E mërkurë, 5 Tetor, 2022

Qendra Historike e Prizrenit, zonë e (pa)mbrojtur

Prizreni9-18Organizata Joqeveritare “EC Ma Ndryshe”, organizon sot tryezën e diskutimit me temë “Qendra Historike e Prizrenit, zonë e (pa)mbrojtur”. Tryeza mbahet në ora 11:00 në Restaurant “Marashi”

Panelistë të tryezës do të jenë: Hasan Hoti, drejtor i Institutit për Mbrojtjen e Monumenteve Kulturore në Prizren, Sadik Paqarizi, drejtor i Urbanizmit dhe Planifikimit Hapësinor në Komunën e Prizrenit dhe Vesel Hoxhaj, Kryetar i Këshillit të Trashëgimisë Kulturore të Prizrenit.

Në pjesën e parë të tryezës, “EC Ma Ndryshe” do të prezantojë raportin e punës gjashtë mujore (gusht 2013 – janar 2014) të monitorimit të zhvillimeve në sektorin e urbanizmit brenda Komunës së Prizrenit, ndërsa kjo do të pasohet me paraqitjet e panelistëve dhe diskutimin e hapur.
Diskutimi i tryezës do të zhvillohet rreth respektimit të kritereve urbanistike në pjesë të ndryshme të qytetit të Prizrenit, me fokus në Qendrën Historike të Prizrenit.

Nga muaji korrik 2013, “EC Ma Ndryshe” nisur zbatimin e projektit “Urbanizmi i Prizrenit nën vëzhgim të përhershëm”, i cili përkrahet financiarisht nga Fondacioni i Kosovës për Shoqëri të Hapur (KFOS). Nevoja për mbikëqyrjen e zhvillimeve në sektorin e urbanizimit ka rrjedhë si pasojë e zhvillimeve të shumta negative gjatë periudhës së pasluftës dhe tranzicionit që janë manifestuar me degradimin urban dhe planifikimin e pa-balancuar hapësinor.

Projekti synon që të instaloj një sistem të monitorimit të përhershëm të aktivitetit shtetëror (dy nivelet e pushtetit dhe organet e drejtësisë) në fushën e menaxhimit dhe zhvillimit urban në qytetin e Prizrenit, me theks të veçantë në Qendrën Historike të tij, për të siguruar rend urbanistik. /PrizrenPress.com/

 

Më Shumë

Avdyli: SBASHK-u dhe Ministria e Arsimit të gjejnë gjuhën e arsyes

Qeveria as sot nuk ka proceduar me ekzekutimin e pagave për mësimdhënësit, të cilët ishin në grevë për gati pesë javë, pavarësisht se sot...

Ofendoi dhe kërcënoi policët, arrestohet një person në Prizren

Një person ka ofenduar dhe kërcënuar policët në Prizren. Ai është arrestuar dhe dërguar në mbajtje. “Është arrestuar i dyshuari mashkull kosovar pasi i njëjti fillimisht...

Lajmet e Fundit