Komuna e Rahovecit është rikthyer në “zonën e gjelbër” të masave të reja anti COVID-19.
Këtë e ka bërë të ditur kryetari i kësaj komune, Smajl Latifi përmes një postimi në Facebook.
“Ju informoj se tashmë kemi pranuar vendimin e Ministrisë së Shëndetësisë, me të cilin janë miratuar masat e veçanta për mbrojtjen nga pandemia COVID-19, në Komunën e Rahovecit. Aktualisht Rahoveci, është rikthyer në zonën e gjelbër të masave të reja antiCovid-19, por kategorizimi si komunë me rrezik të ulët të infeksionit, assesi nuk duhet të na lejojë të ndihemi komod”, ka shkruar Latifi.
Ai u ka bërë thirrje qytetarëve të Rahovecit që të respektohen masat parandaluese.
“Po përballemi me një situatë mjaft të vështirë, andaj ju lutem vazhdoni t’i respektoni masat parandaluese dhe rekomandimet e profesionistëve shëndetësorë, sepse beteja me armikun e padukshëm Covid-19 po bëhet çdo ditë e më e vështirë. Mos e shpërfillni këtë virus, respektoni masat mbrojtëse, duke ruajtur kështu shëndetin tuaj e të familjes”, tha Latifi.
Deri më tani, në vendin tonë janë shënuar 45.594 persona të infektuar me COVID-19, 32,498 të shëruar dhe 1,174 të vdekur.
Ky është vendimi i Ministrisë së Shëndetësisë:
