Ish kryeparlamentari Nexhat Daci thotë se gjëja më e mirë që i ka ndodhur vendit, ka qenë shpërndarja e Parlamentit.
Ai i ka thënë KTV’së se nëse nuk do të shpërndahej Parlamenti, atëherë vendi rrezikonte të shndërrohej në një Bosnjë të dytë.
Daci ka thënë se fakturën më të keqe po e paguajnë qytetarët.
“Nëse do të vazhdohej me këtë garniturë, Kosova po rrëshqiste të bëhej një Bosnjë”, ka deklaruar Daci.
Siç raporton KTV, Daci ka kritikuar edhe punën e kreut të deritashëm të legjislativit, Jakup Krasniqin që sipas tij nuk e ka pasur parësore punën e Kuvendit por shpesh luftën personale me politikanë të caktuar.